‘தளபதி 69’ படத்தின் ஃபர்ஸ்ட் லுக் எப்போது? தயாரிப்பு நிறுவனம் வெளியிட்டுள்ள அறிவிப்பு இதோ:
நடிகர் விஜய் தற்போது H.வினோத் இயக்கத்தில் நடித்து வருகிறார், ‘தளபதி 69’ என தற்காலிக பெயரிட்டுள்ள இப்படத்தில் பூஜா ஹெக்டே கதாநாயகியாக நடித்து வருகிறார். இவர்களுடன் பாபி தியோல், மமிதா பைஜு, கௌதம் மேனன், பிரகாஷ் ராஜ் உள்ளிட்டோர் முக்கிய பாத்திரங்களில் நடித்துள்ளனர். ஐந்தாவது முறையாக விஜய் படத்திற்கு இசையமைக்கிறார் அனிருத்.
KVN ப்ரொடக்ஷன்ஸ் தயாரிக்கும் இப்படத்தின் படப்பிடிப்பு சென்னையில் விறுவிறுப்பாக நடைபெற்று வருகிறது. இந்நிலையில் இப்படத்தின் டைட்டில் மற்றும் ஃபர்ஸ்ட் லுக் (First Look) குறித்த சுவாரஸ்ய அப்டேட்டை தயாரிப்பு நிறுவனம் அறிவித்துள்ளது. அதன்படி, நாளை(ஜனவரி 26) குடியரசு தினத்தன்று தளபதி 69 படத்தின் ஃபர்ஸ்ட் லுக் வெளியாகவுள்ளது. தீவிர அரசியலில் இறங்கியுள்ள விஜய் இதற்கு பின் நடிப்பாரா? இல்லையா? என்கிற சோகத்தில் இருக்கும் அவரது சினிமா ரசிகர்களுக்கு இந்த அறிவிப்பு கொண்டாட்டத்தை ஏற்படுத்தியுள்ளது.
சுவாரஸ்யமான & உடனடி சினிமா செய்திகளை பெற Film Crazy Media வாட்ஸ்அப் சேனலை ஃபாலோ செய்யவும்…
