‘மனித தன்மையற்ற இந்த செயலுக்கு…’ ஜெயம் ரவி ஆவேசம்

June 26, 2020

தூத்துக்குடி மாவட்டம் சாத்தான்குளத்தில் செல்போன் கடை நடத்தி வந்தவர் ஜெயராஜ், அவரது மகன் பென்னிக்ஸ். கடந்த 19 -ஆம் தேதி ஊரடங்கு விதிமுறையை மீறி கடையை திறந்திருப்பதாக கூறி இருவரையும் விசாரனைக்கு அழைத்து சென்றிருக்கின்றனர் சாத்தான்குளம் காவல் துறையினர், அவர்கள் இருவரையும் விசாரணை என்ற பெயரில் அடித்து துன்புறுத்தியதாகவும் கூறப்படுகிறது.

Jayam Ravi Bold Statement about Jeyaraj Fenix Death — Jayam Ravi

அதன்பின்னர் அவர்கள் இருவர் மீதும் வழக்குப்பதிவு செய்து மறுநாள் காலையில் கோவில் பட்டி கிளை சிறையில் போலீசார் அடைத்த நிலையில், போலீசாரின் கொடூரத்தினால் பென்னிக்ஸ் மற்றும் அவரது தந்தை ஜெயராஜ் ஆகியோர் உயிரிழந்துள்ளனர். இந்த செய்தி தமிழகம் முழுவதும் பெரும் பரப்பரப்பை ஏற்படுத்தியுள்ளது. இந்த சம்பவம்தொடர்பாக இரண்டு காவல் உதவி ஆய்வாளர்கள் சஸ்பெண்ட் செய்யப்பட்டுள்ளதாகவும், 2 தலைமைக் காவலர்கள் மீது அலுவல் ரீதியான நடவடிக்கை எடுக்கப்படவுள்ளதாகவும் தெரிவிக்கப்பட்டுள்ளது. எனினும் தொடர்புடைய நபர்களுக்கு கடுமையான தண்டனை வழங்க வேண்டுமென பலரும் தங்களது கண்டனங்களை தெரிவித்து வருகின்றனர். இந்நிலையில் நடிகர் ஜெயம்ரவி தனது டுவிட்டர் இதுக்குறித்த தனது கண்டனத்தை தெரிவித்துள்ளார். அவர் கூறியுள்ளதாவது, “சட்டத்தை விட உயர்ந்தவர் யாரும் இல்லை, மனித தன்மையற்ற இந்த செயலுக்கு நீதி வேண்டும்” என கூறியுள்ளார். இவரது கண்டனத்திற்கு பலரும் ஆதரவு தெரிவித்து வருகிறார்கள்.

Twitter Feed: